摩納哥搶W歡送古利

　　法國名牌摩納哥今晚迎來今季法乙首戰，喺主場迎戰杜亞斯，小妹絕對有信心開出2.85倍「讓主」！皆因摩納哥獲有錢班主開水喉，收購咗唔少球星，反觀杜亞斯個教練講到明只想護級，遇強手好難搵到食。

　　摩納哥上季降落法乙後，有大半季都深陷再降一級嘅危機，好年初獲俄羅斯富豪列保洛夫利夫入主後，就係咁燒錢買人加強實力，演出隨即脫胎換骨，最終仲以聯賽第8名衝線添！呢支老牌勁旅今季再掃入丹麥國腳積及保臣，同埋歐塞爾中場拿汀加，呢兩位球員喺法乙嚟講算係超班，證明摩納哥重返法甲嘅決心。

　　可惜嘅係，摩納哥日前正式同老將古利解約，今場賽前更會有一個歡送儀式嚟答謝佢多年嚟嘅貢獻。不過大唔使擔心，對杜亞斯唔止畀班主力離隊，仲只係簽入一班冇乜職業聯賽經驗嘅「新仔」做替補，教練薛特拿仲講明今季目標係護級添！實力差距有番咁上下，体育资讯區區1球，摩納哥絕對讓得起。